داوا لە پارلمانی کوردستان ده‌کرێ رۆژی شه‌هیدبوونی پێشه‌وا ..

داوا لە پارلمانی کوردستان ده‌کرێ رۆژی شه‌هیدبوونی پێشه‌وا وەک ‌رۆژی شه‌هیدانی کوردستان رابگەیەنێ

 رۆژی 10ی خاکه‌لێوه‌رۆژی شه‌هیدکردنی یه‌‌که‌م سه‌رۆک کۆماری کورد پێشه‌وا قازی محه‌مه‌ده‌ کە ساڵانێکە بۆ یەکەم جار لە لایەن حیزبی دێموکراتەوە وەک رۆژی شەهیدانی کوردستان دیاری کراوە و بۆ سێ دەیە دەچێ کە بەردەوام ئەو رۆژە وەک رۆژی شەهیدانی کوردستان لە لایەن حیزبی دێموکراتەوە یادی دەکرێتەوە. ئەگەرچی لەم ساڵانەی دوایی دا چەند حیزب و لایەنی تر ئەو رۆژە وەک رۆژی شەهیدانی کوردستان یاد دەکەنەوە، بەڵام ئەوە تەنانەت هەموو رۆژهەڵاتی کوردستانیشی نەگرتۆتەوە. هەرچەند سەرجەم حیزب و لایەنە نەتەوەییەکان کۆماری کوردستان وەک گەورەترین دەسکەوتی نەتەوەیی بۆ کورد لە سەدەی بیستەم دا پێناسە دەکەن.
‌ناوه‌ندی پێشه‌وا کە ماوەیەک دەستی بە کار کردووە و تا ئیستاش چەند ژمارەی جارنامەیەک بە ناوی کۆماری کوردستان" دەرکردووە،له‌ساڵرۆژی شه‌هیدکرانی قازی محەممەد، سەرۆک کۆماری کوردستان دا پرۆژه‌یه‌کی روو بە په‌رله‌مانی کوردستان (هەرێمی کوردستان) ئامادە کردووە و تێیدا داوا دەکا رۆژی شه‌هید بوونی یه‌که‌م سه‌رۆک کۆماری کورد بە فەرمی بکرێته‌رۆژی شه‌هیدانی کوردستان.

ئاگری باڵه‌کی یه‌‌کێک له‌ئه‌ندامانی به‌رێوه‌به‌ری و وته‌بێژی ناوه‌ندی پێشه‌وا ‌ سەبارەت بەم پرۆژه‌یه‌و چۆنیه‌تی کاراکردنی بۆ رۆژهه‌ڵات تایمز دوا و وتی: وه‌ک ده‌ستپێشخه‌ریه‌کیش بۆ کارێکی پیرۆز ناوه‌ندی پێشه‌وا هه‌وڵی خۆی ده‌خاته‌گه‌ڕ که‌رۆژی شه‌هیدکرانی یه‌‌که‌م سه‌رۆک کۆماری کورد پێشه‌وا قازی محه‌مه‌د بکرێته‌ رۆژێکی ره‌سمی له‌ناوه‌ندێکی قانوونیدا. بۆ ئه‌م مه‌به‌سته ‌پرۆژه‌یه‌کمان ئاماده‌کردوه‌و ئاراسته‌ی په‌رله‌مانی کوردستان وه‌ک ناوه‌ندێکی ره‌سمی گه‌لی کورد له‌ پارچه‌یه‌کی کوردستانی دەکەین". ده‌رباره‌ی پرۆژه‌که‌و چۆنیه‌تی کارکردن و پشتگیریکردن له‌و پرۆژه‌یه‌، ئاگری باڵه‌کی وتی: له‌ماوه‌یه‌کی نزیکدا ده‌خرێته‌به‌رده‌م میدیا‌کان تا پشگیری بۆ کۆبکرێته‌وه‌ له‌هه‌ر چوارپارچه‌وه، وه‌هه‌ر لێره‌شه‌وه‌داواکارین له‌هه‌موو لایه‌نه‌سیاسیه‌کان و رێکخراوه‌کان و خه‌ڵکی کوردستان و هه‌رکوردێکی ‌خاوه‌ن هه‌ست که‌پشگیری دواکه‌مان بکات بۆ ئه‌وه‌ی بتوانین ئه‌م کاره‌پیرۆزه‌پێکه‌وه‌به‌ئه‌نجام بگه‌یه‌نین و خالێکی تر له‌مێژووی پڕ لە خەبات و قوربانیدانی نەتەوەی کورد بچه‌سپێنین". باڵه‌کی ئەوەشی راگه‌یاند که‌پرۆژه‌ی داهاتوومان ئه‌وه‌یه‌که‌رۆژی 2ی رێبه‌ندانیش بکرێته‌رۆژی ره‌سمی له‌کوردستاندا و له‌حه‌ولداین بۆ ئه‌وه‌ی ساڵانه‌فیستیڤالیکی گه‌وره‌ی بۆ بگرین. شایانی باسه‌ناوه‌ندی پێشه‌وا له‌2ی رێبه‌ندانی 1389 چالاکیه‌کانی خۆی ده‌ستپیکردوه‌و تائێستا 2 ژماره‌ی کۆماری کوردستانی ده‌رکردوه‌کە نوێترین ژماره‌ی پەیوەستە بە 10ی خاکه‌لێوه‌و ئیستا‌ کەوتۆتە به‌ر دیدی خوێنه‌رانی. بۆ دیتنی لینکی جاڕنامه‌ی کۆماری کوردستان ئه‌م لینکه‌کلیک بکه‌: http://uploadfa.net/1389-2/1q2vd14sdlw3rr0cw0.pdf

ن