ناوه‌ندی پێشه‌وا

ناوه‌ندی پێشه‌وا "هێمن نامه‌" بڵاو ده‌کاته‌وه‌

رۆژهه‌ڵات تایمز ـ ناوه‌ندی هه‌واڵ: 29ی خاکەلێوەی ١٣٩٠ی هەتاوی بەرامبەر بە ١٨ی ئابریلی ٢٠١١ی زایینی، ٢٥ ساڵ بە سەر کۆچی دوایی مامۆستا هێمن دا تێەپەڕێ. بەم بۆنەوە ناوه‌ندی پێشه‌وا به‌هاوکاری ماڵپه‌ری رۆژهەڵات تایمز وەک ئه‌مه‌گناسیه‌ک بۆ شاعیری گه‌ل مامۆستا هێمن، بڵاوکراوه‌یه‌کی به‌ناوی "هێمن نامه‌" ئاماده‌کردوه‌، که‌ کۆمه‌لێک یادەوەری، کۆمەڵێک وتار، دیمانە و بابەتگەلی تر پێوەندیدار بە ژیان و بەرهەمەکانی تێدا بڵاو کراوه‌ته‌وه‌.


بۆ دیتنی بڵاوکراوه‌که‌ کلیک له‌سه‌ر وێنه‌که‌ بکه‌:
http://uploadfa.net/1390/vsmxe5bjq0h27j459x2u.pdf

ناوه‌ندی پێشه‌وا پشتگیردواکه‌ی به‌رێز که‌بوودوه‌ند ده‌کات

کەبوودوەند لە زیندانەوە پێشنیارێک بەرەورووی هێزە سیاسیەکان و خەڵکى کوردستان دەکات

ناوه‌ندی پێشه‌وا پشتگری له داواکاری‌یه‌که‌ی به‌ڕێز که‌بوودوه‌ند ده‌کا

دواکه‌ی به‌رێز که‌بوودوه‌ند پێویسته‌کی مێژوویه‌
له‌دوای بڵاوبوونه‌وه‌ی په‌یامه‌که‌ی به‌رێز که‌بوودوه‌ند ده‌رباره‌ی ئه‌وه‌ی که‌ رۆژی دامه‌زراندنی ڕێکخراوى مافى مرۆڤى کوردستان بکرێته‌ رۆژی " مافی مرۆڤی کوردستان" ، ناوه‌ندی پێشه‌وا بۆ ئه‌مه‌گناسیه‌ک به‌رامبه‌ر به‌و هه‌وڵ و تێکۆشانانه‌ی که‌ ڕێکخراوى مافى مرۆڤى کوردستان بینیویه‌تی بۆناساندنی هه‌رچی زیاتری ئه‌و پێشێلکاریانه‌ی نامرۆڤانه‌ی که‌ به‌رامبه‌ر به‌ کورد له‌رۆژهه‌ڵاتی کوردستان ئه‌نجامداراوه‌، ئه‌و داواییه‌ی به‌ێز که‌بوودوه‌ند به‌رز ده‌نرخێن و به‌ هه‌ولێکی مێژوویی دێنێته‌ ئه‌ژمار.

داوا لە پارلمانی کوردستان ده‌کرێ رۆژی شه‌هیدبوونی پێشه‌وا ..

داوا لە پارلمانی کوردستان ده‌کرێ رۆژی شه‌هیدبوونی پێشه‌وا وەک ‌رۆژی شه‌هیدانی کوردستان رابگەیەنێ

 رۆژی 10ی خاکه‌لێوه‌رۆژی شه‌هیدکردنی یه‌‌که‌م سه‌رۆک کۆماری کورد پێشه‌وا قازی محه‌مه‌ده‌ کە ساڵانێکە بۆ یەکەم جار لە لایەن حیزبی دێموکراتەوە وەک رۆژی شەهیدانی کوردستان دیاری کراوە و بۆ سێ دەیە دەچێ کە بەردەوام ئەو رۆژە وەک رۆژی شەهیدانی کوردستان لە لایەن حیزبی دێموکراتەوە یادی دەکرێتەوە. ئەگەرچی لەم ساڵانەی دوایی دا چەند حیزب و لایەنی تر ئەو رۆژە وەک رۆژی شەهیدانی کوردستان یاد دەکەنەوە، بەڵام ئەوە تەنانەت هەموو رۆژهەڵاتی کوردستانیشی نەگرتۆتەوە. هەرچەند سەرجەم حیزب و لایەنە نەتەوەییەکان کۆماری کوردستان وەک گەورەترین دەسکەوتی نەتەوەیی بۆ کورد لە سەدەی بیستەم دا پێناسە دەکەن.
‌ناوه‌ندی پێشه‌وا کە ماوەیەک دەستی بە کار کردووە و تا ئیستاش چەند ژمارەی جارنامەیەک بە ناوی کۆماری کوردستان" دەرکردووە،له‌ساڵرۆژی شه‌هیدکرانی قازی محەممەد، سەرۆک کۆماری کوردستان دا پرۆژه‌یه‌کی روو بە په‌رله‌مانی کوردستان (هەرێمی کوردستان) ئامادە کردووە و تێیدا داوا دەکا رۆژی شه‌هید بوونی یه‌که‌م سه‌رۆک کۆماری کورد بە فەرمی بکرێته‌رۆژی شه‌هیدانی کوردستان.

ژماره‌ی تازه‌ی کۆماری کوردستان ژماره‌ 2

ژماره‌ 2ی کۆماری کوردستان له‌ لایه‌ن ناوه‌ندی پێشه‌واوه‌ ئاماده‌کراوه‌ ...

تکایه‌ کلیک له‌سه‌ر وێنه‌که‌ بکه‌ بۆ وه‌رگرتنی فایلی PDF